Presentación profesional de Margarita Vilela
Son Margarita Vilela, Xestora de Especialización da Oferta Docente do
Campus Terra.
Aínda que nestes momentos non exerzo como Orientadora Laboral,
con anterioridade traballei como Mestra de Xestión Empresarial e Orientación
Laboral en dous Obradoiros de Emprego, polo que posúo práctica profesional no
desenvolvemento dese posto.
Coa asistencia a este posgrao quero mellorar as miñas competencias como
orientadora laboral, xa que é probable que nalgún momento volva a exercer ese
posto de traballo.
Nestes intres, que estamos superando unha importante crise económica, é imprescindible o papel do orientador como apoio ás persoas
desempregadas ou a aquelas que están buscando unha mellora da súa situación
laboral. O contexto socioeconómico actual caracterízase por un elevado número
de persoas desempregadas, algunhas cunha ampla formación e experiencia
profesional, co cal a competencia
á hora de atopar traballo é elevada.
Neste senso, é moi importante que as persoas posúan as capacidades necesarias para manexar os distintos recursos que poden empregar na busca de emprego.
O orientador debe saber utilizar as tecnoloxías da Información e da
Comunicación (TICs), os portais de emprego, as redes
profesionais, os foros e os blogues de profesionais, así como estar ao tanto
das noticias actuais do ámbito económico e laboral para informar e/ou usar
estas ferramentas coas persoas que orienta. A función principal do orientador é acompañar e motivar á persoa orientada
co obxectivo de que desenvolva o seu potencial
a nivel profesional.
Esta é a miña nube de intereses profesionais relacionada coa orientación laboral:
 |
| A Orientación Laboral |
Comentarios
Publicar un comentario